Мәдениет & Шоубиз 11.08.2021 сағат 13:00

«Олар ақпаратқа сеніп үйреніп қалған адамдар»: Әнші Шоқан вакцина салдырып жатқандар жайлы ойын айтты

Шоқан Маратұлы коронавирустың бар екенін ешкім дәлелдеген жоқ деген пікірде.
«Олар ақпаратқа сеніп үйреніп қалған адамдар»: Әнші Шоқан вакцина салдырып жатқандар жайлы ойын айтты
Фото: ашық дерекөз
Бөлісу
Бөлісу
Бөлісу

Әнші, қоғам белсендісі Шоқан Маратұлы коронавирустың бар екеніне күмән келтірді. Айтуынша, вирустың физикалық тұрғыда бар екенін ешкім дәлелдей алған жоқ, деп хабарлайды Stan.kz.

Әнші коронавирусқа, вакцинаға қатысты қарсы ойын ашық түрде айтып келеді. Осы ретте Шоқан оқырмандарының аталған тақырыпқа қатысты сауалдарына жауап берді. 

Отбасылы өнер иесі «Ашық» жүйесіне мән бермейтінін айтады. Алайда солай екен деп балаларымен үйде тығылып отырмайды. 

«Қорқудың қажеті жоқ. Барлық нәрседе баланс болуы керек. Үйде де вирустан тығыла алмайсың. Тек абай болыңыздар. Қауіпті бірдеңе байқасаңыздар, әрекет етіңіздер», - дейді Шоқан. 

Шоқан Маратұлы коронавирустың бар екеніне сенбейді. Себебі: 

«1,5 жыл бұрын вирус жоқ деп айтатын едім. Ал бүгін ше? Бүгін бұл вирустың физикалық тұрғыда бар екенін ешкім дәлелдеген жоқ, көрсете алған жоқ», - дейді ол.

- Ендеше қазір болып жатқан не нәрсе? - деген сауалға Шоқан: 

«Қазір ескі әлеуметтік-экономикалық жүйені бұзып, оның қалдықтарынан жаңа жүйені құру үрдісі жүріп жатыр. Ол туралы Клаус Швабтың немесе басқа да әйгілі адамдардың кітаптарынан оқи аласыздар», - деп жауап берді. 

Маратұлының пайымынша, жоғарғы жақ қарсыласады деп күтудің қажеті жоқ. 

«Біз, төменгі тап, өзіміз қарсы шығуымыз керек», - дегенді алға тартты ол. 

Әнші өз еркімен вакцина салдырып жүрген топқа қатысты ойын айтты. 

«Оларды ақылсыз деп айтуға келмейді. Олар керісінше екпе салдырғысы келмейтіндерді ақымақ деп ойлайды. Олар тек белгілі бір ақпарат көзіне сеніп үйреніп қалған адамдар», - дейді Шоқан.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар