Мәдениет & Шоубиз 20.08.2021 сағат 17:20

Тұрсынбек Қабатов қызына қатысты тағы да пікір білдірді

Белгілі сатирик осы апта отбасы үшін оңай болмағанын айтты.
Тұрсынбек Қабатов қызына қатысты тағы да пікір білдірді
Фото: ашық дереккөз
Бөлісу
Бөлісу
Бөлісу


Танымал әзілкеш Тұрсынбек Қабатов Instagram желісінде отбасына қатысты соңғы жаңалықтың қалай ауыр тигенін айтып, құқық қорғау органдары істің ақ-қарасын ажыратып беретінене сенімді екенін жазды.

«Қадірлі достар, осы апта біздің отбасымыз үшін оңай болған жоқ. Ең қиыны - жаныңды ауыртатын жалаға қалуың екен. Адамның алдында да, Алланың алдында да арым таза!

Алдағы уақытта құқық қорғау органдары дүйім жұртқа ақ-қарасын ашып айтады деп ойлаймын.. Осындай жүрек-жүйкеңе салмақ түскен кездерде маған сеніп, қолдау білдірген аға-бауыр, әпке-қарындастарыма және оқырмандарыма алғыс айтамын! Қасиетті жұма мүбәрак болсын!!!» - деп жазды сатирик.

Еске салайық, 15 тамызда Абзал Құспан есімді заңгер танымал әзілкеш Тұрсынбек Қабатовтың қызы Әдемі Аманғалидың орнына ҰБТ-да тест тапсыруға басқа адам кіргенін жазды. Оның айтуынша, 13 маусым күні Әдемі Тұрсынбекқызы Аманғалидың орнына тестілеуге ЕНУ-дың 2 курс студенті, грантта оқып жүрген Сымбат Қанай тест тапсыруға кірген. Тұрсынбектің қызы жалған құжат жасатқан.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар