Мәдениет & Шоубиз 01.12.2022 сағат 05:31

«Еуропаға барғалы жатыр»: Жүрсін Ерманның шетелде ем алатыны белгілі болды

Протезді ағзасы қабылдамай, оның айналасы іріңдей бастаған.
«Еуропаға барғалы жатыр»: Жүрсін Ерманның шетелде ем алатыны белгілі болды
Бөлісу
Бөлісу
Бөлісу

Жақында денсаулығы сыр беріп, жансақтау бөліміне түскен айтыс ұйымдастырушысы Жүрсін Ерман ем алу үшін Еуропа еліне аттанбақ. Ақынның шетелге сапарға шығатынын айтыскер Шалқарбай Ізбасаров Instagram парақшасында мәлімдеді.

"Айтыстың реформаторы Жүрсін Ерман ағамызға амандасып және "Ұлытау облысының құрметті азаматы" атануымен құттықтап шықтық. Аллаға шүкір, жағдайы жақсарып қалыпты. Жақында ем-дом алу мақсатында Еуропаға барғалы жатыр екен. Бар ғұмырын ақсүйек өнерге арнаған ағамыздың амандығын бәріміз бірге тілеп қояйық. Жолыңыз болсын, аман жүріңіз", - деп жазды айтыскер.

Естеріңізге сала кетейік, айтыс ұйымдастырушысы Жүрсін Ерманның жансақтау бөліміне түскені жайлы ақпарат тараған болатын. Кейінірек Жүрсін Ерманның қызы әкесінің жағдайы туралы баяндаған болатын.

Ардақ Жүрсінқызының айтуынша, ақын жансақтау бөліміне түспес денсаулығы сыр берген. Себебі осыдан төрт-бес ай бұрын Жүрсін Ерман оң аяғының тізесіндегі көк тамырға протез салдырған. Алайда протезді ағзасы қабылдамай, оның айналасы іріңдей бастаған. Артынша сол ірің қанға түсіп, ақынның дене қызуы көтерілгеннен талмасы ұстаған. Ол есінен танғаннан кейін бір күн ішінде тыныс алу аппаратына таңылады.

Арада біраз уақыт өткенде айтыскер Марат Ахметов ұстазы Жүрсін Ерманның үйіне сауығып шыққанын айтып, жақсы жаңалықты желіде көпшілікпен бөлісті.

nur.kz 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар