$ 449.58  486.94  4.86

Айжан Байзақованың інісі анасына пәтер сыйлады (ВИДЕО)

Бала күнімде үлкен үйіміз бен өз көлігіміз болса деп армандайтынмын.

Айжан Байзақованың інісі анасына пәтер сыйлады. Әлихан Байзақов анасының армандаған пәтерін сыйға тартқан сәтті Instagram парақшасында көпшілікке көрсетті, деп жазады KAZ.NUR.KZ.

Видеодан Әлихан Байзақовтың анасы қуаныштан көзіне жас алғанын байқауға болады. "Анамның біраздан бері армандаған дүниесін әпердім. Бала күнімде үлкен үйіміз бен өз көлігіміз болса деп армандайтынмын. Бала кезде біздің пәтеріміз кішкентай болды. Бірақ соған қарамастан үйдің іші махаббат пен жылулыққа толы болатын. Анам бізді кішкентайымыздан спортқа баулыды. Жаңбыр мен қарға қарамастан анам менің қалай футбол ойнайтынымды тамашалайтын. Автобуста қолыма бәліш пен сусын ұстап үйге қайтқан күндерді ешқашан ұмытпаймын. Түрлі көліктер мен жаңадан соғылған үйдің жанынан өткенде анама болашақта сатып әперетінімді айтатынмын. Анашым, бұл енді сенің пәтерің. Енді ағаш отырғызып, келіншек алып, ұл тәрбиелеу қалды. Бәріңізге жақыныңыз армандаған дүниені алып беру бұйырсын", - деп жазды Әлихан Байзақов.

Желі қолданушылары блогердің бұл ісіне сүйсініп, риза болғанын жазды. "Жарайсың", "Бізге де жұғысты болсын", "Ата-ананы қуантқанға не жетсін?", "Сендер үшін қуаныштымын", - деп жазды желідегілер. 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары