«Мен қазақпын» әнін нақышына келтіріп орындаған алматылық домбырашылар көптің алғысына бөленді (ВИДЕО)

Алматыдағы Петр Чайковский атындағы музыкалық колледжінің студенттері мен Ахмет Жұбанов атындағы дарынды балаларға арналған республикалық музыка мектебінің оқушылары Наурыз мейрамында қазақстандықтарды ерекше құттықтады, деп жазады KAZ.NUR.KZ.

Бірнеше қыз-жігіттен құралған домбырашылар әнші Ерболат Құдайбергеннің "Мен қазақпын" әнін музыкалық аспапта нақышына келтіріп орындаған. Видеоны OYU жобасы Instagram парақшасында жариялады.

"Барша қазақстандықты Наурыз мейрамымен шын жүректен құттықтаймыз!", - делінген жазбада.

Өз кезегінде желі қолданушылары домбырашылардың өнеріне жоғары баға беріп, алғыстарын жаудырды.

"Көп рахмет сендерге, ою! Сендермен бірге замандас болу үлкен бақыт!", "Па-шіркін, япырмай", "Рақмет, жылап алдым", "Еңбектеріңізге рақмет", "Домбыраның әуенін тыңдап жаным тынышталды", - деп жазды олар.

Сонымен қатар бейнежазба астына пікір қалдырғандар арасында режиссер Айсұлтан Сейітов, актерлер Аян Өтепберген, Еркебұлан Дайыров, актриса Гүлназ Жоланова және басқа да танымал тұлғалар бар.