Ақтөбеде үш күн бойы әйел мен ұлын өлтірген адам іздестіріліп жатыр

Ақтөбеде үш күн бойы әйел мен оның ұлын өлтірген адам іздестіріліп жатыр, - деп хабарлайды "Мой ГОРОД".

Полицейлердің айтуынша, бүгінге дейін күдіктілерді ұстау мүмкін болмаған.

"Анықтауға және ұстауға арналған іс-шаралар жүргізіліп жатыр", - деді Ақтөбе облысы полиция департаментінің баспасөз қызметі өкілі.

Еске салайық, 29 наурызда сағат 05:30 шамасында 102 телефонына Ақтөбе қаласындағы тұрғын үйдің пәтерлерінің бірінен екі мәйіт табылғаны хабарланған болатын.

Келген жедел-тергеу тобы пәтерден 35 жастағы әйел мен 16 жастағы ұлының зорлықпен өлім белгілері бар денелерін тапты. Сонымен қатар, қаза тапқан әйелдің 13 жастағы қызы пышақ жарақатымен балалар ауруханасының жансақтау бөліміне жатқызылды.