Бокстан ӘЧ: Санатәлі Төлтаев келесі кезеңге жолдама алды

Ташкент қаласында бокстан ерлер арасында өтіп жатқан әлем чемпионатында қазақстандық Санатәлі Төлтаев келесі кезеңге жолдама алды, деп хабарлайды ҚазАқпарат.

Қазақстандық боксшы 1/32 финалда Израиль өкілі Ахмад Штивимен жұдырықтасты.

С.Төлтаев қарсыласын ұпай санымен ұтып, 1/16 кезеңге шықты.

Санатәлі 1/16 финалда маврикиялық Ришарно Коленмен шеберлік байқасады.

Бүгін 1/8 финалға шыққан Сағындық Тоғайбайдың қарсыласы - өзбекстандық Шохжахон Абдуллаев.

Еске салайық, бұдан бұрын қазақстандық қос боксшы әлем чемпионатын жеңіспен бастады.

Сондай-ақ бокстан әлем чемпионатында Сағындық Тоғамбай мен Санатәлі Төлтаевтың рингке шығатыны хабарланды.

Сағындық Тоғамбай қарсыласын нокаутпен ұтты.