Ақтөбе қаласы маңындағы "Жаңа қоныс" ауылында жеткіншекті көлік қағып кетті, деп хабарлады облыстық полиция департаментінің баспасөз қызметі.
Оқиға 22 мамырда болды. "Хундай" автокөлігінің жүргізушісі жаяу жүргіншілер өткелінде 8 жасар қызды қағып кеткен.
"Апат салдарынан кәмелетке толмаған қыз ауруханада қайтыс болды. Жол апатына қатысты Қылмыстық кодекстің 345-бабы 2-тармағы "Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы" бабымен сотқа дейінгі тергеу басталды. Жүргізуші қамауға алынды", - дейді ведомство.
Полиция департаменті жүргізушілерді жолдарда мұқият болуды және жол ережесін қатаң сақтауды ескертеді.
«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.
info.skifnews@gmail.com
