Астанада қай жерде құрбандық шалуға болады?

Елордада қасиетті Құрбан айт мерекесінде құрбандық шалынатын орындар анықталды, деп хабарлады қалалық дін істері жөніндегі басқарма.

Қазақстан мұсылмандары діни басқармасының мәліметінше, 28 маусымда таңғы сағат 6:00-де Астанадағы «Айт намазы» оқылады.

Қалада бекітілген мына орындарда сағат 8:00-ден 18:00-ге дейін құрбандық шалынады:

«Ұлжан» әмбебап базары, Сарыарқа ауданы, Нұрғиса Тілендиев көшесі, 24 (бұрынғы «Саянұр» базары);
«Жайлау» базары, Байқоңыр ауданы, Алаш тас жолы, С-313 көшесі («Шарын» базарының арты);
«Шанхай» базары, Байқоңыр ауданы, Алаш тас жолы, 34/6 («Көк базар» базарының арты);
«Шопан ата» базары, Байқоңыр ауданы, (Рубиком және Әмір базарының ортасы);
«Баракат» базары, Байқоңыр ауданы, А-369 көшесі, №10 ғимарат.
Құрбандыққа сойылған малдың еті түгелдей көмекке мұқтаж отбасыларға үлестіріледі.

Тағы басқа сұрақтар бойынша 109 call-орталығына хабарласуға болады.