$ 443.16  480.39  4.94

Шымкентке жұмыс іздеп келген келіншекті жалдамалы пәтерде өлтіріп кетті

Оқиға орнына дереу қалалық полицияның жедел-тергеу тобы мен прокурорлар аттанды.
© Sputnik / Табылды Кадырбеков /
© Sputnik / Табылды Кадырбеков /

Шымкент полициясы 28 жастағы келіншекті өлтірді деген күдікпен Түркістан облысының тұрғынын ұстады, деп хабарлайды Polisia.kz.

“102” арнасына жалдамалы пәтерлердің бірінен зорлық-зомбылық белгілері бар жас әйелдің мәйіті табылғаны туралы хабар түсті. Оқиға орнына дереу қалалық полицияның жедел-тергеу тобы мен прокурорлар аттанды.

Кезекші сарапшы марқұмның механикалық асфиксия (тұншықтыру) салдарынан көз жұмған болуы мүмкін екенін анықтады. Бұл факті Қылмыстық кодекстің 99-бабы (Адам өлтіру) бойынша тіркелді.

Пәтер иесі танысының көмегімен полицейлер марқұмның кім екенін анықтады. Ол Шымкентке жұмыс іздеп келген 28 жастағы әйел болып шықты. Жасалған қылмыстың ауырлығын ескеріп, тергеушілер мен жедел уәкілдер дереу күдіктіні іздеуге кірісті. Бейнебақылау камераларының жазбалары зерделенді.

Кісі өлтіруге қатысы бар деген күдікпен Түркістан облысының 29 жастағы тұрғыны ұсталды.

Күдікті қамауға алынды. Оған қатысты сотқа дейінгі тергеу басталды. Сараптама жасалады. Тергеушілер жасалған қылмыстың себебін анықтап жатыр.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары