$ 443.44 € 480.51 ₽ 4.88
Батыс Қазақстан облысында жол апатынан 2 адам қаза тауып, бесеуі ауруханаға жеткізілді, деп хабарлайды облыстық полиция департаменті.
Оқиға 7 шілде күні Бәйтерек ауданы аумағында болған.
Сағат шамамен 16.00-ге таман Орал-Атырау жолының 59-шақырымында «Toyota Camry» және «Volkswagen Polo» автокөліктері бетпе-бет соқтығысқан. Жол апаты салдарынан «Toyota Camry» автокөлігінің 1987 жылғы жүргізушісі мен екінші көлікте отырған 1967 жылғы ер адам оқиға орнында көз жұмды. Тағы 5 адам ауруханаға жеткізілсе, соның екеуі – балалар. Жантүршігерлік жол апатының мән-жайы анықталып жатыр. БҚО департаменті жүргізушілерге жол ережесін қатаң сақтау керектігін еске салады, – делінген ақпаратта.
