Астанада ұялы байланыс компаниясының абоненттері Интернетке қосылуда қиындықтарға тап болды. Бұл туралы әлеуметтік желіде қолданушылар жазып жатыр, деп хабарлайды Tengrinews.kz.
Елорда тұрғындары Activ мобильді компаниясының Instagram-парақшасындағы жарияланымдарға байланыс пен желінің жоқтығы туралы хабарламалар жазып жатыр. Кейбіреулер Қарағандыда да осындай мәселелер бар екенін айтады. Басқалары мұндай ақаулар бүкіл елде кең таралған деп болжап жатыр. Дегенмен, әзірге басқа қалаларда мұндай проблемалар тіркелмеген.
Kcell байланыста ақаулар пайда болғаны туралы ақпаратты растады.
Біз Қазақстанның солтүстік және шығыс бөлігіндегі бірқатар қалаларда мәліметтерді жіберу қызметінің жоқтығы дерегін анықтадық. Қазіргі уақытта мамандар қызметтің жылдам қалпына келуі үшін себебін анықтап жатыр, - деді компания өкілдері.