Шымкент әкімінің орынбасары Мақсұт Исахов ұсталды

Ұлттық қауіпсіздік комитеті оны сыбайлас жемқорлыққа қатысы бар деген күдікпен ұстады.

Фото: shymkent.gov.kz

20 шілдеде Ұлттық қауіпсіздік комитеті прокуратураның үйлестіруімен жемқорлық жасады деген күдікпен Шымкент қаласы әкімінің орынбасары М.Исаховты ұстады, деп хабарлайды Skifnews.kz ақпарат порталы Ұлттық қауіпсіздік комитетінің баспасөз қызметіне сілтеме жасап.

Бұл факт бойынша сотқа дейінгі тергеп-тексеру және барлық қажетті жедел-тергеу іс-шаралары жүргізілуде. Қылмыстық-процестік кодекстің 201-бабына сәйкес өзге ақпарат тергеу мүддесінде жария етуге жатпайды, - деп жазды комитеттен.