Маңғыстау облысында жыл басынан бері ерте жүктіліктің 60-қа жуық фактісі тіркелді, деп хабарлайды Mangystautv.kz.
Өңірде 19 мыңнан астам кәмелетке толмаған қыз тұрады. Сарапшылардың айтуынша, олардың көбі жыныстық өмірді 13 жасынан бастайды. Олардың ерте жыныстық қатынасқа түсуіне ортасы әсер ететін көрінеді.
Ерте жүктілік бойынша Маңғыстау облысы Қазақстанда бірінші орында тұр. Өткен жылы аймақта 6 айда кәмелетке толмаған 44 жүкті қыз болған. Биыл жыл басынан бері 57 жасөспірім жүкті болды, - дейді облыстың штаттан тыс балалар гинекологы Айжан Әліпанова.