Туған баласын өлтірген Ақтөбе тұрғынына сот үкімі шықты

Өзінің 4 жасар баласын өлтірді деп айыпталған Артур Ахунов өмір бойына бас бостандығынан айырылды, деп хабарлайды ҚазАқпарат.

Ақтөбе облыстық қылмыстық істер жөніндегі мамандандырылған ауданаралық сотында сот үкімі оқылды. 

Артур Ахунов Қылмыстық кодекстің 99-бабы 3-бөлігімен айыпты деп танылып, өмір бойына бас бостандығынан айыру жазасы тағайындалсын. Жазасын қауіптілігі барынша жоғары түзету мекемесінде өтесін. Мұндай жағдай қайталанбас үшін облыстық полиция департаментінің бастығына, облыстық білім басқармасының басшысына жеке қаулы шығарылды. Олар Ақтөбе облыстық қылмыстық істер жөніндегі мамандандырылған ауданаралық сотына шешім туралы хабарлауы тиіс, - деді судья Нұрлан Бақтығалиев.

Тараптар 15 күнде апелляциялық шағым түсіре алады.

Еске салсақ, былтыр 4 жасар Данил Ахунов өз баласын өлтіріп, көміп тастаған еді.