$ 441.66 € 475.14 ₽ 4.86
Алматы полицейлері қалалық прокуратураның үйлестіруімен «Есірткі бизнесімен күрес» жобасы аясында арнайы іс-шараны жүргізді, деп хабарлайды Skifnews.kz ақпарат порталы.
Алматы қаласы Түрксіб ауданының тұрғыны, 1979 жылы туған С. есімді азамат ұсталды.
Біздің жедел деректерге сәйкес, күдікті есірткі заттарын, атап айтқанда, марихуананы заңсыз сатумен айналысады. Оның үйін рұқсат етілген тінту кезінде, сарайында әскери қол гранатасына ұқсас затты, «Макаров» тапаншасына ұқсас қаруды, патрондарды, есірткіні қолдануға арналған екі пластик ыдыстарды, ішінде заты бар шыны талшықты қапшық, сондай-ақ соған ұқсас заты бар екі полиэтилен байлам табылды және тәркіленді. Сонымен қатар, бақшадан жабайы өсетін қарасораның ерекше иісі бар жасыл өсімдік заты салынған екі бақша ыдысы табылып, тәркіленді, - деді Алматы қалалық ПД Есірткі қылмысына қарсы күрес басқармасының бастығы, полиция подполковнигі Ерлан Әлмағамбетов.
Бұл дерек сотқа дейінгі тергеудің бірыңғай тізіліміне ҚР ҚК-нің 297 бабы бойынша тіркелді.
Сараптамалар тағайындалды.
ҚР ҚПК-нің 201 бабына сәйкес өзге ақпараттар тергеу мүддесіне орай жариялауға жатпайды.
ҚР Конституциясының 77-бабының 3-тармағының 1-тармақшасына және ҚР ҚПК-нің 19-бабы 1-бөлігіне сәйкес, заңды күшіне енген сот үкімімен белгіленгенге дейін әрбір адам қылмыстық құқық бұзушылық жасауда кінәсіз деп танылады.
