$ 443.72 € 482.28 ₽ 4.9
Атырауда 13 жасар жасөспірімді көлік қағып кетті. Ол қазіргі таңда ауруханада жатыр, деп хабарлайды Skifnews.kz.
Атырау облыстық полиция департаментінің баспасөз қызметінің мәліметінше, жол-көлік оқиғасы 21 тамыз күні түнде болған.
Жол-көлік оқиғасы Атырау қаласындағы Бейбарыс даңғылы мен Тоқатов көшесінің қиылысында орналасқан реттелмеген жаяу жүргіншілер жолағында болды. Арнайы жолақпен өтіп бара жатқан 2010 жылы туған жасөспірімді Chevrolet Nexia автокөлігі қағып кетті, - деп хабарлады департаменттің баспасөз қызметі.
Полиция қызметкерлері жол-көлік оқиғасына кінәлі 19 жастағы жүргізушіге қатысты тиісті іс құжаттарын жинақтауда. Ал зардап шеккен жасөспірім жедел жәрдем бригадасының көлігімен облыстық балалар ауруханасына жеткізілді.
