"Қазақстан Инжиниринг" Ұлттық компаниясы Басқарма төрағасының бұрынғы орынбасары Қанат Сұлтанбеков ұсталды деп хабарлады Астана қалалық сотының баспасөз қызметі.
"Қанат Сұлтанбеков 2017 жылдың 16 сәуіріне дейінгі уақытқа 2 айға қамауға алынды. Бұл шешімді 18 ақпан күні Есіл аудандық №2 соты шығарған". - деп мәлімдеді қалалық соттың баспасөз хатшысы Ботагөз Баянова.
Қанат Сұлтанбеков уақытында Алматы қаласы әкімінің орынбасары, Астана қалалық Жолаушылар көлігі және автомобиль жолдары басқармасының басшысы, 2009-2014 жылдар аралығында Астана әкімінің орынбасары қызметтерін атқарған.