Қазақстандық Алексей Луценко «Түркия туры» велоспорт көпкүндігінің жеңімпазы атанды, деп хабарлайды Skifnews.kz ақпарат порталы.
Бірнеше күнге созылған веложарыстың соңғы күнінде «Alpecin-Deceuninck» намысын қорғайтын бельгиялық Йеспер Филипсен мәре сызығын бірінші болып қиды, деп жазады Kazinform. Екінші орын «Астана» намысын қорғайты, нидерландтық Кейс Болға бұйырса, үздік үштікті италиялық Джованни Лонарди («EOLO-Kometa») түйіндеді.
«Астана» капитаны Алексей Луценко жарыстың аталған сатысында сегізінші келді және велокөпкүндіктің бас квалификациясын бірінші орынмен аяқтады.
Қазақстандық команда сапынан Микеле Гадзоли - 13, Харольд Техада - 28, Глеб Сырица - 121, Марк Кавендиш - 126-орынға жайғасты.