Футболдан 2024 жылғы Еуропа чемпионатына іріктеу сатысында Қазақстан құрамасы сегізінші ойынын Финляндияға қарсы өткізеді, деп хабарлайды Skifnews.kz ақпарат порталы.
Финляндия мен Қазақстан кездесуі 17 қазанда елорда уақытымен 22:00-де басталып, «Qazsport» телеарнасынан тікелей эфирде көрсетіледі, деп жазады Kazinform.
Кездесуде босниялық төрешілер бригадасы қызмет атқарады.
Бас төреші – Ирфан Пельто, оған Сенад Ибрисимбегович пен Давор Бельжо көмекшілік жасайды. Төртінші төреші – Милош Гигович.
Екі команда бұған дейін ресми ойындарда бес мәрте кездескен. Барлығында финлндиялық футболшылар жеңіске жетті.
Сондай-ақ аталған турда Солтүстік Ирландия мен Словения, Сан-Марино мен Дания құрамалары кездеседі.
Жеті турдан кейін H тобында 16 ұпаймен Словения мен Дания көш басында тұрса, одан кейінгі орындағы Финляндия мен Қазақстанның 12 ұпайы бар.