Байзақ ауданында астан уланған оқушыларға байланысты іс бойынша тергеу жүріп жатыр - прокуратура

2023 жылдың 7 қарашасында Жамбыл облысы Байзақ ауданының орталық ауруханасының инфекциялық бөлімініе Сарыкемер ауылына қарасты Н.Киікбаев атындағы мектеп-гимназиясының 46 оқушысы мен 2 мұғалімі түсті. Олар тамақтан уланған болуы мүмкін.

Бұл туралы Skifnews.kz ақпарат порталы Жамбыл облысының прокуратурасының баспасөз қызметіне сілтеме жасап хабарлайды.

Баспасөз қызметінің мәліметтеріне қарағанда, қазіргі уақытта тексеру нәтижелері бойынша 35 адам ауруханаға жатқызылды (33 оқушы және 2 мұғалім).

Сонымен қатар санитарлық-эпидемиологиялық қызмет тиісті тексеру тағайындады.

Аталған жайт Байзақ аудандық полиция бөлімі ҚК-тің 304-бабының 1-бөлігі бойынша (cанитариялық қағидаларды немесе гигиеналық нормативтерді бұзу) сотқа дейінгі тергеудің бірыңғай тізіліміне тіркеліп, іс аясында қажетті тергеп-тексеру шаралары жүргізілуде.

Қылмыстық істің тергелуі облыс прокуратурасының бақылауында.

ҚПК 201-бабының талаптарына сәйкес басқа мәліметтер жариялануға жатпайды.