ІІМ Қуандық Бишімбаевтың ұсталғанын растады
Қоғамдық орында кісі өліміне қалай жол берілген?
Ішкі істер министрінің орынбасары Сәкен Сәрсенов Астана мейрамханасындағы кісі өлімі бойынша бұрынғы Ұлттық экономика министрі Қуандық Бишімбаевтың ұсталғанын растады, деп хабарлайды Skifnews.kz ақпарат порталы.
Кешегі қайғылы оқиғаның мән-жайы анықталды ма? Бұрынғы Ұлттық экономика министрі Қуандық Бишімбаевтың аты аталып жатыр. Қоғамдық орында кісі өліміне қалай жол берілген?, - деп сұрады журналист.
Министрдің орынбасары бұл сұраққа қысқа жауап қайырды.
Ол ұсталды, қазір тергеу шаралары өтіп жатыр. Қалғанына пікір білдіре алмаймын. Жұмыс аясында сіздерге қосымша мәлімет беріледі, - деді.
БАҚ өкілдері өлімге жол берген мейрамхана қызметкерлерінің жауапкершілігі туралы сұрады.
Қазір осы іспен тергеу департаментінің қызметкерлері айналысып жатыр. Менің ойымша, кейін олар хабарын береді, - деді Сәкен Сәрсенов.
Сіздің реакцияңыз?
Серіктес жаңалықтары
