Тараптар президент Қасым-Жомарт Тоқаевтың бастамасымен келесі жылы Қазақстанда өтетін V Дүниежүзілік көшпенділер ойыны шеңберінде мәдени шараларды бірлесіп ұйымдастыру мүмкіндіктерін талқылады.
Мемлекеттік кеңесші Ерлан Қарин ТҮРКСОЙ ұйымының бас хатшысы Сұлтан Раевпен кездесу өткізді, деп хабарлайды Skifnews.kz ақпарат порталы.
Ақорданың хабарлауынша, Сұлтан Раев Ерлан Қаринге биыл құрылғанына 30 жыл толған Халықаралық түркі мәдениеті ұйымның атқарған жұмыстары мен алдағы жоспарлары жөнінде ақпарат берді.
Мемлекеттік кеңесші осы 30 жыл ішінде ТҮРКСОЙ түркі халықтарының мәдени мұрасын насихаттауда және түркі мемлекеттері арасындағы мәдени-рухани қарым-қатынастарды дамытуда толайым табысқа жеткеніне назар аударды.
Ерлан Қариннің пікірінше, Қазақстанның Түркі мемлекеттері ұйымына төрағалығы аясында белгіленген басым міндеттерді жүзеге асыру кезінде ТҮРКСОЙ зор рөл атқарады. Ұйымның Х саммиті Астанада табысты өтті.
Тараптар президент Қасым-Жомарт Тоқаевтың бастамасымен келесі жылы Қазақстанда өтетін V Дүниежүзілік көшпенділер ойыны шеңберінде мәдени шараларды бірлесіп ұйымдастыру мүмкіндіктерін талқылады.
Кездесу соңында Ерлан Қарин мен Сұлтан Раев ТҮРКСОЙ ұйымы арқылы түркі бірлігін дәріптеуге бейілді екендерін нақтылады