Ол Астана қаласындағы ҰҚК оқшаулау орнына жеткізілген.
Ұлттық қауіпсіздік комитетінің бұрынғы басшысы, Кәрім Мәсімовтың үстінен тағы қылмыстық іс қозғалды, деп хабарлайды Skifnews.kz ақпарат порталы Ulysmedia.kz-ке сілтеме жасап.
Осыған байланысты Кәрім Мәсімов прокуратура санкциясымен тергеу амалдарын жүргізу үшін Астана қаласындағы ҰҚК оқшаулау орнына жеткізілген.
К.Мәсімовке қатысты ҰҚК 218 бабы «қылмыстық жолмен алынған ақшаны және (немесе) өзге мүлікті заңдастыру (жылыстату) және 366 «ірі мөлшерде пара алу» баптарында қарастырылған қылмыстық құқықбұзушылық белгілері бойынша сотқа дейінгі тергеуді жалғастырып жатыр», - делінген хабарламада.
Еске сала кетейік, биыл сәуірде Астана қаласының қылмыстық істер жөніндегі мамандандырылған ауданаралық сотында Кәрім Мәсімовке, А.Садықұловқа, Д. Ерғожинге, М. Өсіповке (ҚР ҰҚК төрағасының бұрынғы орынбасарлары) қатысты қылмыстық іс бойынша үкім жарияланды. Сот істі "өте құпия" деген белгімен қарады. Мәсімовтың өзі 18 жылға сотталды. Оның бұрынғы орынбасарлары да әртүрлі жазаға кесілген.