Қар, тұман, көктайғақ: синоптиктер елдің 12 өңірінде ескерту жасады

"Қазгидромет" РМК синоптиктері ертең, 20 қарашада елдің 12 өңірінде қолайсыз ауа райына байланысты ескерту жасады, деп хабарлайды Skifnews.kz ақпарат порталы.

Алматы облысының таулы аудандарында кей уақытта қатты жауын-шашын (көбінесе қар) күтіледі. Облыстың оңтүстігінде, таулы аудандарында кей уақытта тұман.

Алматыда түнде және таңертең тұман күтіледі.

Ұлытау облысының солтүстігінде, шығысында тұман күтіледі. Солтүстік-батыстан соғатын жел шығысқа ауысады, күндіз облыстың оңтүстігінде екпіні 18 м/с күтіледі. 

Батыс Қазақстан облысының батысында көктайғақ күтіледі. Түнде және таңертең облыстың солтүстігінде, шығысында тұман күтіледі. Шығыстан, оңтүстік-шығыстан жел соғады, түнде облыстың батысында 15-20 м/с, күндіз облыстың басым бөлігінде 15-20, облыстың оңтүстігінде екпіні 23 м/с. 

Ақмола облысының оңтүстігінде, шығысында тұман күтіледі.

Солтүстік Қазақстан облысының батысында, оңтүстігінде тұман күтіледі. Оңтүстік-батыстан жел соғады, түнде облыстың шығысында екпіні 15-20 м/с.

Ақтөбе облысының батысында, солтүстігінде көктайғақ күтіледі. Түнде облыстың солтүстігінде тұман күтіледі. Оңтүстік-шығыстан, шығыстан жел соғады, түнде облыстың батысында, орталығында, күндіз басым бөлігінде 15-20 м/с, күндіз облыстың батысында, орталығында екпіні 25 м/с. 

Атырау облысында шығыстан, оңтүстік-шығыстан жел соғады, күші 15-20, күндіз облыстың батысында, оңтүстігінде, солтүстігінде екпіні 23-28 м/с. 

Түркістан облысының таулы және тау бөктерлі аудандарында тұман күтіледі. Шығыстан, оңтүстік-шығыстан жел соғады, күндіз облыстың солтүстігінде күші 15-20 м/с.

Шымкентте түнде тұман күтіледі.

Маңғыстау облысының орталығында шаңды дауыл күтіледі. Оңтүстік-шығыстан жел соғады, күші 15-20, облыстың батысында, солтүстік-шығысында, орталығында екпіні 23-28 м/с күтіледі. 

Қызылорда облысында жел шығыстан соғады, түнде облыстың батысында, күндіз облыстың басым бөлігінде күші 15-20 м/с күтіледі.