Қазақ каскадерлері танымал режиссердің «Наполеон» тарихи фильміне түсті

Қазақстандық каскадерлер Ридли Скоттың атақты тарихи фильмінде түрлі трюктерді орындап, тағы бір белесті бағындырды, деп хабарлайды Skifnews.kz ақпарат порталы.

Үш күн бұрын аты аңызға айналған режиссер Ридли Скоттың «Наполеон» фильмі прокатқа шықты.

Аталған фильмді түсіруге қазақстандық Nomad Stunts каскадерлері де атсалысқан. Бұл жайлы ұйым өзінің әлеуметтік желідегі парақшасында хабарлады.

Фото: Nomad Stunts/Facebook

«Қоржынымызды толықтыратын тағы бір жоба!» деп сүйінші сұрады каскадерлер. 

Фото: Nomad Stunts/Facebook

Nomad Stunts жетекшісі, ҚР еңбек сіңірген қайраткері Жандарбек Күнғожиновтың айтуынша, оларды бұл жобаға трюк қоюшы Ник Пауэл ұсынған. Ол қазақстандық жігіттермен Үндістандағы фильм түсірілімінде бірге жұмыс істеген еді. 

Фото: Nomad Stunts/Facebook

Бұл жобада каскадерлердің бірі Мұрат Елкенов актер ретінде де өнер көрсетті. Оның рөлін Ридли Скоттың өзі белгілеп берген. 

Қазақстандықтар фильмде казактардың рөлінде бой көрсеткен.  

Фото: Nomad Stunts/Facebook

«Наполеон» — режиссер және продюсер Ридли Скоттың Дэвид Скарпа сценариі желісімен түсірілген эпикалық тарихи фильмі. Наполеон Бонапарттың билікке келуі және әйелі Джозефинамен арақатынасы жайында баяндайды.

Наполеонды Хоакин Феникс (әрі продюсер), ал Жозефинаның рөлін Ванесса Кирби сомдайды.

Фото: Nomad Stunts/Facebook

Түсірілім өткен жылдың қаңтарында басталды. 

Фото: Nomad Stunts/Facebook

Еске сала кетейік, «Nomad Stunts» каскадерлері «Disney» түсірген «Мулан», Netflix-тің «Томирис», «Марко Поло», «Корольге хат», «Әмір Темір», Киану Ривз басты рөлде ойнаған «47 ронин», «Неудержимые 2», «Рэкетир 2», «Анаға жол», «Шал» сынды фильмдерге қатысқан.

Олар сондай-ақ HBO мен Apple TV+ сервистері және Universal студияларымен жұмыс істейді.

Фото: Nomad Stunts/Facebook

Топты 2000 жылы трюк қоюшы, Қазақстанның еңбек сіңірген қайраткері Жайдарбек Күнғожинов құрған болатын.

Nomad Stunts жетекшісі Жайдарбек Күнғожинов бұған дейін «Томирис» фильміндегі трюктер үшін «Таурус» сыйлығын жеңіп алған еді.

Дереккөз: Kazinform