Skoda Auto Қазақстанды жаһандық өндірістік стратегияға енгізді

Астанада Allur және Škoda Auto компаниялары арасында келісімге қол қойылды. Еуропалық автогигант Қазақстанда ұсақ-тораптық өндірістен бастап дилерлік желіге дейінгі толық ауқымды өкілдікті ұсынуға ниетті. Мұндай қадамның компания үшін маңыздылығын Škoda Аuto Директорлар кеңесінің мүшесі Мартин Ян атап өтті.

Келісімдерге қол қою өсу әлеуеті жоғары осы тартымды нарықта біздің қызметімізді кеңейту үшін шешуші сәт болып табылады. Келесі қадам Қазақстанның ірі қалаларында сату желісін дамыту болады, онда біз бүкіл әлем бойынша енгізіп жатқан жаңа корпоративтік дизайнмен Škoda брендінің дилерлік орталықтары ашылады, - деді Ян.

Қазақстандағы Škoda Auto ресми дистрибьюторы Prague Auto компаниясы болады. Сатылым келесі жылға жоспарланған. Бірінші кезеңде ел нарығында брендтің 4 моделі ұсынылады: Karoq, Кamiq, Kodiaq және Octavia.

Бүкіл әлемдегі сарапшылар қауымдастығы Škoda автокөліктерін бірнеше рет ең сенімді көлік деп таныды. Бұл Allur әрқашан өз тұтынушыларына жеткізуге тырысатын сапа. Бұл серіктестік компанияның 3000-шы ұжымы үшін үлкен мәртебе және жауапкершілік, - деп толықтырды Allur компаниясының ресми өкілі Айдар Утешев.

Естеріңізге сала кетсек, қазан айында қазақстандық инженерлер тобы Млада-Болеслав (Чехия) қаласындағы зауытқа барды, онда бренд автокөліктерді шығару процестерінің тәжірибелік әзірлемелерін ұсынған болатын. Қостанай қаласына қарсы сапар Škoda жергілікті өндіріс желісінің ашылуына негізделген.