Илья Ильин өзіне ота жасаған дәрігерлерге алғыс айтты

Қазақстандық ауыр атлет, Олимпиада чемпионы Илья Ильинге тізе буынының жарақатынан кейін академик Нұрлан Батпенов атындағы Ұлттық Травматология және ортопедия ғылыми орталығында сәтті операция жасалды. Чемпион жаттығу барысында менисктің жыртылуы түрінде жарақат алған, деп хабарлайды Skifnews.kz ақпарат порталы.

Емдеуге жатқызылғаннан кейін бірден зерттеп-қараудан өтіп, келесі күні оған операция жасалды. Артроскопия және спорттық жарақат бөлімінің травматолог-ортопед дәрігері Нұржан Мұхамеджанұлы Асанов спортшының денсаулығын тез әрі тиімді қалпына келтіруге бағытталған операцияны сәтті өткізді.

Менің көңіл-күйім өте жақсы, емдеу штаттық режимде өтті. Өзімнің емдеуші дәрігерім Нұржан Мұхамеджанұлы Асановқа алғысымды білдіремін, ол өз ісінің нағыз маманы. Көптеген кәсіби спортшылар Академик Н.Ж. Батпенов атындағы ҰҒТОО емделеді және қалпына келтіріледі, қазақстандық травматолог-ортопедтер ең үздік, олар спорттың не екенін біледі, спортшыларды аяғына қалай дұрыс қою керектігін біледі, – деп дәрігерлерге белгілі ауыр атлет Илья Ильин алғысын білдірді.

ҚР Денсаулық сақтау министрлігінң хабарлауынша, қазір Илья өзін жақсы сезінеді және операциядан кейін қалпына келтіруде шешуші рөл атқаратын оңалту курсын алуда.

Еске салсақ, бұған дейін Илья Ильинге ота жасалғанын жазғанбыз.