$ 480.55 € 533.75 ₽ 5.36
Ол 5 млрд теңгеден асатын залал келтіргені үшін күдікке ілінді.
Елордада 10 көппәтерлі тұрғын үй кешені бойынша жосықсыз құрылыс салушыларға қатысты 7 қылмыстық іс тергелуде, деп хабарлайды Skifnews.kz ақпарат порталы.
Астана қаласының прокуратурасының мәліметінше, қылмыстық істердің тергеу барысы бақылауда.
Тергеу органы іске қатысы бар барлық адамдарды және олардың мүлкін анықтауға бағытталған.
7 адамға, соның ішінде құрылыс компаниялардың 3 басшысына қамауға алу түріндегі бұлтартпау шарасы қолданылды. Ресей Федерациясының құқық қорғау органдарының көмегімен іс бойынша негізгі фигуранттардың бірі Мәскеу қаласының аумағында ұсталды. Ол 5 млрд теңгеден асатын залал келтіргені үшін күдікке ілінді, – делінген елорда прокуратурасының хабарламасында.
Бүгінгі таңда Ресей Федерациясының Бас прокуратурасы азаматтық, отбасылық және қылмыстық істер бойынша құқықтық көмек және құқықтық қатынастар туралы Конвенция негізінде күдіктіні ұстап беру туралы өтінішті қанағаттандырды.
