Арыстағы жарылыс: 40 жастағы өзбекстандық әйел қайтыс болды

Наубайханада 5 газ балоны болған, Skifnews.kz  ақпарат порталы.

Наубайханада болған өрт салдарынан өзбекстандық әйел қайтыс болды.

Ал, екінші ер адамның жағдайы ауыр. Денесінің 25-30 пайызын күйік шалған ол қазір жансақтау бөлімінде жатыр.

Екі Өзбекстан азаматы ауруханаға ауыр халде жеткізілді. Денесінің 90 пайызы күйіп қалған 40 жастағы әйел адам көз жұмды, — деді Арыс аудандық ауруханасының дәрігер-хирургі Талғат Тажиметов.

Жалпы наубайханада 5 газ балоны болған. Бір балон өрт сөндірушілер келгенше жарылып кеткен.

Ал, төртеуін төтенше жағдай қызметкерлері қауіпсіз жерге алып шықты.