$ 442.05 € 474.14 ₽ 4.74
Асыл тұқымды жүйрік атқа Қазақстанның атақты спортшыларының есімін беру бірінші рет емес.
АҚШ-та жүйрік атқа қазақстандық теннисші Елена Рыбакинаның есімі берілді, деп жазады Skifnews.kz ақпарат порталы.
Equibase-тегі профиліне сәйкес, Рыбакина есімді үш жасар жылқы өзінің жарыстағы мансабын жақында — 2023 жылы бастаған.
Осы уақытқа дейін екі жарысқа қатысып, оның бірінде үшінші орын алды.
«Рыбакинаның» жалпы табысы бүгінде 7 340 доллар болған.
Кaz.inform мәліметінше, асыл тұқымды жүйрік атқа Қазақстанның атақты спортшыларының есімін беру бірінші рет емес.
2020 жылдан бері атақты боксшы Геннадий Головкиннің есімімен аталатын Головкин атты сәйгүлік АҚШ-та өнер көрсетіп жүр.
Жылқының кәсіби рекорды 40 жарысты қамтиды.
Оның төртеуін жеңіп, алты жарыста екінші және тағы бесеуінде үшінші орынды иеленіп, иесіне 94 809 доллар табыс әкелді.
