Польша өкілі Ига Швентек көш бастаса, белоруссиялық Арина Соболенко екінші, америкалық Кори Гауфф үшінші орында тұр.
Әйелдер теннисі қауымдастығы (WTA) жекелей және жұптық сында жаңартылған рейтингіні жариялады, деп хабарлайды Skifnews.kz ақпарат порталы.
Кaz.inform мәліметінше, жекелей сында алғашқы үштікте өзгеріс бола қоймаған.
Польша өкілі Ига Швентек көш бастаса, белоруссиялық Арина Соболенко екінші, америкалық Кори Гауфф үшінші орында тұр.
Кеше Әбу-Даби WTA 500 турнирінде чемпион атанған қазақстандық Елена Рыбакина америкалық Джессика Пегуланы ығыстырып, төртінші сатыға көтерілді.
Е.Рыбакина Доха WTA 1000 жарысын екінші айналымнан бастап, қытайлық Чжу Линьмен кездеседі.
Дохада іріктеу сайыстарынан өте алмаған Юлия Путинцева 69-дан 76-ға сырғыды.
Жұптық сында бұрынғыша бельгиялық Элизе Мертенс, тайбэйлік Се Шувэй және аустралиялық Сторм Хантер алда келеді.
Қазақстандықтардан Анна Данилина 44-тен 45-ке төмендесе, Жібек Құламбаева 143-те қалды. Ю.Путинцева 354-тен 356-ға ығысып, Е.Рыбакина 363-те тұр.
Анна Данилина жұптық сында украиналық Надежда Киченокпен бірге Доха додасында бақ сынайды.