Михаил Кукушкин қатарынан 13-жеңісіне қол жеткізді

Михаил Кукушкин (140 ATP) Швейцарияның Лугано қаласында өтіп жатқан Челленджер санатындағы турнирдің екінші айналымына шықты, деп хабарлайды Skifnews.kz ақпарат порталы.  

Қазақстандық теннисші алғашқы матчта Қытайлық тайваньдық Ю Сиу Сюды (ATP 235) 6:2, 6:2 есебімен сенімді түрде жеңді. Жарыстың екінші айналымында Михаил ұлыбританиялық Билли Харриспен (181 ATP) ойнайды.

Бұл - 36 жастағы қазақстандықтың қатарынан 13-жеңісі. Ол кейінгі екі аптада екі "Челленджер" турнирінде жеңіске жетті.