Петропавлда шенділер бюджет қаражатына қол сұқты деген күдікпен ұсталды

Солтүстік Қазақстан облысында әкімдікке қарасты ұйымның басшылығы бюджет қаражатын ұрлады деген күдікпен ұсталды, деп хабарлайды Skifnews.kz ақпарат порталы. 

СҚО бойынша Сыбайлас жемқорлыққа қарсы қызмет Петропавл қаласы әкімдігінің «Тазарту, су бұру және су өткізу құрылыстары» ШЖҚ МКК басшысы мен оның орынбасарына қатысты сотқа дейінгі тергеп-тексеруді бастады.

Лауазым иелері 2020-2022 жылдары үлестес кәсіпорындармен дауыл желілерін реконструкциялау, сорғы станцияларын жөндеу және арнайы техниканы жалдау бойынша жұмысты орындауға жалған шарттар жасап, жалпы сомасы 258 млн теңге бюджет қаражатын жымқырған деген күдікпен ұсталып отыр. Соттың санкциясымен күдікті қамауға алынды, - делінген агенттік хабарламасында. 

Қылмыстық-процестік кодекстің 201-бабына сәйкес, өзге ақпарат жария етуге жатпайды.

Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқықбұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.