Бұл қазақстандық файтердің 19-ы ұтысы.
Астана уақыты бойынша 10 наурыз күні таңертең UFC 299 турнирінде қазақстандық файтер Асу Алмабаев UFC-дегі екінші жекпе-жегінде жеңіске жетті, деп хабарлайды Skifnews.kz ақпарат порталы.
Жеңіл салмақта шығып жүрген Асу Алмабаев бұл жолғы қарсыласы - америкалық Си Джей Вергараны үш раундтық шайқаста жеңіп шықты.
Жекпе-жектің басынан аяғына дейін Асу (18-2) қарсыласына мүмкіндік бермей, тік аяқты төбелесте де, партерде де Вергарадан(12-4-1) басым түсті.
Осылайша, 30 жастағы Жамбыл облысының тумасы әлемнің үздік ұйымындағы екінші жеңісіне қол жеткізіп, жеке мансабындағы он тоғызыншы ұтысын тіркеді.