Көкшетауда жол ережесін 24 рет бұзған жүргізуші ұсталды

Көкшетау полицейлері жол қозғалысы ережесін 24 рет бұзған және айыппұл төлемеген жүргізушіні ұстады, деп хабарлайды Skifnews.kz ақпарат порталы.

Тәртіп сақшылары қала көшелерінің бірінде «Nissan Primera» маркалы автокөлігін тоқтатқан. Құжаттарды тексеру кезінде жүргізуші жол ережесін 24 рет бұзып, 500 мың теңге көлемінде айыппұл төлемегені анықталған. Автокөлік бірден айыптұрағына қойылды.

Ақмола облыстық Полиция департаментінің мәліметінше, бұдан өзге «Nissan Primera» көлігінің 24 жастағы жүргізушісі 9 наурызға қараған түні Осипенко көшесінде жол-көлік оқиғасы кезінде үш автокөлікті зақымдап, оқиға орнынан қашып кеткен екен.