Шымкентте автобус пен жеңіл көлік соқтығысты

Жеңіл көлік пен қалааралық автобустың соқтығысуы салдарынан бес адам зардап шекті, оның екеуі бала, деп хабарлайды Skifnews.kz ақпарат порталы.

Kazinform мәліметінше, оқиға Ғ. Иляев пен А. Байтұрсынов көшелерінің қиылысында болды.

Апат кезінде жол қиылысындағы бағдаршам жұмыс істемеген.

«Аталған факті бойынша қылмыстық іс қозғалды. Жол-көлік оқиғасына қатысушылар медициналық көмектен бас тартты. Қазіргі таңда тергеу амалдары жүргізілуде» делінген Шымкент қаласы полиция департаментінің баспасөз қызметі ұсынған ақпаратта.