$ 443.35 € 475.54 ₽ 4.82
Форма киген адамдар отбасы мүшелерін Душанбеге алып кеткен.
Мәскеудегі "Крокус сити холда" болған қарулы шабуылдан кейін Тәжікстанда да тергеу шаралары басталған, деп хабарлайды Skifnews.kz ақпарат порталы.
РИА Новости ақпарат агенттігінің мәлімдеуінше, Фаридун Шамсиддиннің үйі Душанбеден 50 шақырым жерде орналасқан Гиссара қаласының жанындағы Кишлак Райобиде орналасқан. Қазір үй мөрленген.
Ақпарат агенттігінің тілшісі Шамсиддиннің отбасына көрші тұратын кісімен сөйлескен. Оның айтуынша, кеше форма киген адамдар отбасы мүшелерін Душанбеге алып кеткен. Ал үйдің жанын полиция қызметкері бақылап тұрған көрінеді.
Агенттіктің дереккөзі Душанбеде теракт бойынша айыпталушылардың туыстарына қатысты тергеу шаралары жүріп жатқанын растады. Ресейге көшкенге дейін күдікті айыптылардың барлығы Душанбе маңындағы Вахдат, Гиссар қалаларында және Рудаки ауданында тұрғаны анықталды.
"Тергеу барысы Тәжікстан президенті Эмомали Рахмонның бақылауында, ол Душанбеде "Крокус сити холдағы" теракт бойынша жүргізіліп жатқан тергеу шаралары мен тергеу барысына қатысты барлық ақпаратты күн сайын алып отыр", - делінген хабарламада.
Айта кетсек, 24 наурызда Басманный аудандық соты қанды қырғынға қатысы бар 4 адамды 22 мамырға дейін қамауда ұстау туралы үкім шығарды. Далерджон Мирзоев, Саидакрами Рачабализоду, Мухаммадсобир Файзов пен Шамсиддин Фаридуни кінәларын толық мойындады.
Бұдан кейін ағайынды Диловар мен Аминчон Исломовтар, оларлың әкесі Исроил де қамауға алынды. Оларға ұйымдасқан топ құрамында теракт жасады деген айып тағылған.
Тергеу мәліметіне сәйкес Диловар мен Аминчон топ құрамында болған. Кейін топқа Шамсиддин Фаридуниді қосқан. Сондай-ақ тергеу дерегінше Исломовтар террористерге пәтер мен көлік беріп, ақшаларын тасымалдаған.
Еске сала кетейік, 22 наурызда Мәскеудегі "Крокус Сити Холлға" концерт кезінде террорлық шабуыл жасалып, ғимарат өртке оранды. Террористер ғимаратта 18 минут болған.
Дереккөз: Stan.kz
