$ 478.58  520.84  5.44

Солтүстік Қазақстанға көмектесуге барған түркістандық құтқарушы қайтыс болды

Төтенше жағдайлар министрлігі командирдің мезгілсіз қайтыс болуына байланысты туыстары мен жақындарына көңіл айтады.

Фото: ТЖМ
Фото: ТЖМ

Солтүстік Қазақстан облысы Тайынша ауданының Тайынша қалалық аудандық аурухананың реанимация бөлімінде 1978 жылы туған Түркістан облысының ТЖД қызметкері қаза тапты, деп хабарлайды Skifnews.kz ақпарат порталы.

Бекжан Қуанышұлы Балданов Түркістан облысы ТЖД Өрт сөндіру және авариялық-құтқару жұмыстары қызметі қызметкері, Сайрам ауданының № 6 өрт сөндіру бөлімінің бөлімше командирі, азаматтық қорғау прапорщигі болған.

Бекжан Балданов Тайынша қаласына 1 сәуірде Түркістан облысының күштері мен құралдары тобының құрамында су тасқынына қарсы іс-шараларды өткізуге көмек көрсету үшін келген. 1 сәуір күні кешке өзін нашар сезініп жатқанына шағымданып, ауруханаға түсті. Ол Петропавл қаласына санавиация көмегімен ауруханаға жатуға дайындалды, - делінген ТЖМ хабарламасында.

Төтенше жағдайлар министрлігі, Түркістан облысы Төтенше жағдайлар департаменті және Солтүстік Қазақстан облысының әкімдігі  командирдің мезгілсіз қайтыс болуына байланысты туыстары мен жақындарына, әріптестеріне  көңіл айтады.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары