Мәскеуде Кемел Тоқаевтың өмір жолына арналған жаңа кітап жарық көрді

Кеңестік кезең жазушысы, журналист Кемел Тоқаевтың өмірбаяны туралы туындыны  Мәскеу баспасы жарыққа шығарды, деп хабарлайды Skifnews.kz ақпарат порталы.

Мемлекет басшысы Қасым-Жомарт Тоқаевтың әкесінің өмір жолын баяндайтын кітаптың авторы – жазушы Светлана Смағұлова.

Кітап «Өнегелі адамдар өмірі» сериясымен шығарылды.

Кемел Тоқаев ҚазҰУ-дың журналистика факультетін бітірген  майдангер жазушы еді. Ол детектив жанрында қалам тербеген әрі осы жанрдың дамуына атсалысқан алғашқылардың бірі.  Сондай-ақ ол аналитикалық және зерттеу журналистикасы жанрында қалам тербеді.

Естеріңізге сала кетейік, өткен жылдың қазан айында ҚазҰУ-де Кемел Тоқаев атында аудитория ашылған болатын. Онда жазушының барлық  шығармашылығымен танысуға болады.