$ 474.62  517.19  5.39

Шымкентте 9 жыл бұрын кісі өлтірген күдікті ұсталды

Қазір күдікті қамауда, ол Арыстың құқық қорғаушыларына тапсырылатын болады.

Фото: Polisia.kz
Фото: Polisia.kz

Шымкентте учаскелік полицей тоғыз жыл бұрын кісі өлтірген күдіктіні ұстады, деп хабарлайды Skifnews.kz ақпарат агенттігі.

Қылмыс Түркістан облысында 2015 жылдың наурыз айында болған. Арыс қаласының тұрғыны жанжал кезінде үш адамды атып, оқиға орнынан бой тасалаған. Жәбірленушілердің бірі алған жарақатынан ауруханада көз жұмған. Сол жылдың сәуір айында ер адамға халықаралық іздеу жарияланды. Қауіпті қылмыскерді анықтап құрықтаған Еңбекші АПБ-ның учаскелік инспекторы Сәкен Ақбаев.

Өз әкімшілік аумағының әрбір тұрғынын білетін полицей үнемі кепка киіп, бет-әлпетін жасыруға тырысып жүретін жігітке назар аударған. Оның жергілікті көлік жөндеу орталығына жақында жұмысқа орналасқанын білген инспектор ер азаматтың жеке басын анықтады. Тәртіп сақшысы оқиға туралы дереу жедел-тергеу тобына хабарлап, әріптестерімен бірге қашқынды қолға түсірді.

Қазір күдікті қамауда, ол Арыстың құқық қорғаушыларына тапсырылатын болады.

Сіздің реакцияңыз?
Ұнайды 1
Ұнамайды 0
Күлкілі 0
Ашулы 0

Серіктес жаңалықтары