«Су деңгейі әлі көтерілуде»: Ресейдің Қорған қаласына төнген қауіп сейілген жоқ

Қорған маңындағы Тобыл өзеніндегі су деңгейі сейсенбі күні сағат 08:00-де (мәскеу уақытымен 06:00) бір тәулікте 111 сантиметрге көтеріліп, 742 сантиметрге жетті, деп хабарлады Skifnews.kz ақпарат порталы.

Қала әкімдігі хабарлағандай, жексенбі күні сағат 08:00-де (Мәскеу уақытымен 06:00) Тобыл өзеніндегі су деңгейі 491 сантиметрді құрады. Дүйсенбі күні сағат 08:00-де (Мәскеу уақытымен 06:00) су деңгейі 631 сантиметрге дейін көтерілді.

Тобылдағы су деңгейінің көтерілуі тоқтамай тұр. Осының салдарынан қазіргі таңда Қорғанға қарай үлкен көлемде су ағып жатыр, – делінген хабарламада.

Қорғанда су басқан аймақтардан тұрғындарды эвакуациялау жалғасуда. «Терек» ықшамауданының тұрғындары мен үй жануарлары, оның ішінде ірі қаралар да қауіпсіз жерге көшіріліп жатыр.

Дүйсенбі күні таңертең Қорған облысының губернаторы Вадим Шумков өзен бойымен 1,3 миллиард текше метрден астам су ағып жатқанын, бұл 1994 жылғы он метрден астам көтерілгеннен екі есе көп екенін айтқан болатын.