Ресейде тағы бір ауыл суға кетуі мүмкін

Орынбор облысында 5503 тұрғын үй (оның ішінде 55-і көппәтерлі үй) және 10 656 саяжай су астында қалды.

Фото: РИА Новости / Сергей Никифоров

Ресейдің Орынбор облысындағы Илек ауылында Жайық өзенінің деңгейі 913 сантиметрге дейін көтеріліп, қауіпті деңгейден 23 см-ге асты, деп хабарлайды Skifnews.kz ақпарат порталы РИА ақпарат агенттігіне сілтеме жасап.

Бұл жайында аудан әкімдігі өзінің Telegram-каналында жариялаған.

«16 сәуірде сағат 08.00 (Мәскеу уақытымен 06.00) жағдай бойынша Илек ауылындағы Жайық өзенінің деңгейі 913 (+5) сантиметрді құрап отыр», - делінген хабарламада.

Қазіргі уақытта Орынбор облысында 5503 тұрғын үй (оның ішінде 55-і көппәтерлі үй) және 10 656 саяжай су астында қалды.