Ресейден бастау алған көлемді су БҚО-ға 20 сәуірде келеді

Ресейдің Орынбор облысынан бастау алған көлемді су Батыс Қазақстан облысына 20 сәуірде келеді деп болжанып отыр, деа хабарлайды Skifnews.kz ақпарат порталы.

Бұл туралы облыс әкімінің баспасөз қызметінің басшысы Ерхан Тәткен мәлім етті.

«Ресейдің Орынбор облысынан бастау алған көлемді су Батыс Қазақстан облысына 20 сәуірде келеді деп болжанып отыр. Осыған орай су тасқынының алдын алуға бағытталған жұмыстар күшейтілді. Жайық өзенінің бойында орналасқан елді мекендерде Ақжайық, Бөрілі, Бәйтерек, Теректі аудандары мен Орал қаласында жалпы ұзындығы 102 км жуық бөгет тұрғызылды, - деді ол Орталық коммуникациялар қызметінде.