Оралға су тасқынын түсіруге барған фотограф ерекше көлге кезікті (ФОТО)

Фотограф Тұрар Қазанғапов су тасқыны туралы репортаж түсіру үшін Батыс Қазақстан облысына барып, көздің жауын алатын ерекше әдемі көлге кезікті деп хабарлайды Skifnews.kz ақпарат порталы.

Tengritravel.kz сайтының жазуынша, су басқан үйлер мен табиғи апаттың айтарлықтай ауыр зардаптары назар аудартады, бірақ сонда да ойды бөлетін әдемі орын табылады. Бор төбелері карьері Орал мен жақын маңдағы қалалар тұрғындары келетін көрнекті орынға айналған. Көбінесе адамдар көгілдір су фонында суретке түсу үшін келеді.

Оралдан бірнеше шақырым жерде бор карьерінен әктас өндіріледі. Шуақты күні бұл жерге жету оңай емес. Бірақ бұл жолды еңсергеннен кейін алдыңызда ерекше пейзаж ашылады: ашық көк түсті су мен ақ бор шоқы.

Жергілікті тұрғындар бұл жерде үнемі су болатынын айтқан. Яғни, бұл көл маусымдық құбылыс емес. Кейде су көп, ал кейде аз болуы мүмкін. Бір нәрсе өзгеріссіз - жарқын және тыныштандыратын көгілдір түс.

Бұл жерге таксимен де, жеке көлігіңізбен де жетуге болады. Рас, біраз жол жаяу жүру керек болады.

Карталардан көлді мына белгілерді пайдаланып табуға болады:

Батыс Қазақстан облысы Орал қалалық әкімшілігі Зачаганск ауылы;

немесе 51,145773° 51,350107° координатасында.

Су айдыны ашық көгілдірден қою жасылға дейін өзгеруі мүмкін. Мұның бәрі күннің уақытына, күн сәулесінің түсу бұрышына және жартастардың көлеңкесіне байланысты. Бірақ жергілікті тұрғындар бұл жер әсіресе күн батқанда әдемі болатынын айтты.