«Құдай бізді сынайды, мен сол сынақтан өте алмадым»: Бишімбаев соңғы сөзін айтты (ВИДЕО)

Сот отырысында айыпталушы Қуандық Бишімбаев соңғы сөзін айтты, деп хабарлайды Skifnews.kz ақпарат порталы.

Ол Нүкеновтар отбасынан кешірім сұрап және оған қарсы желіде ауқымды ақпараттық науқан жүргізілгенін айтты.

Бишімбаев  Салтанат Нүкенованың өліміне кінәлі екенін мойындайды, бірақ ол тағы да қасақана өлтіру болмағанын айтты.

"Егер сіздер Жаратушыға, Құдайға сенсеңіз, ал мен сенемін, ол бізді сынайды. Сол күні, 8 қарашада мен бұл сынақтан өте алмадым", - деді Бишімбаев.

Бишімбаев Нүкенованың отбасынан, ата-аналары мен балаларынан және барлық қазақстандықтардан кешірім сұрады.

"Менің ата-анам мен туыстарымның ешқандай кінәсі жоқ. Бұл менің кінәм және тек менің ауыртпалығым".

Десе де соңғы сөзінде ол тағы да қарманып қалды. Ол сарапшы Халимназаровтың кәсібилігіне күмән келтіретінін айтты.

Сондай-ақ Бақытжан Байжанов та соңғы сөзінде Нұкенованың отбасынан тағы да кешірім сұрады. Байжанов қылмыстың дәйектерін жасырды деген айыппен келіспейтінін, сол жерде айтылған барлық әс-әрекеттерді жасағанын мойындайтынын, бірақ қылмысты жасыру мақсаты мен ниеті болмағанын айтты.

Бірақ мәселе басқада. Мен сол сәтте шынымен өлімге себеп болған қылмыстың орын алғанын білмедім. Ант етемін. Мен Нүкеновтар отбасының қайғысын ешбір сөзбен жеңілдете алмаймын, егер бұл қайғыны жеңілдету үшін қандай да бір септігі тиер болса, онда мен қандай жазаға болсын дайынмын, - деді ол.

Судья сот отырысының жалғасы 10 мамыр күні сағат 10:00-де болатынын айтты.

Байжанов пен Бишімбаевтың соңғы сөзін мына жерден тыңдай аласыз: Жоғарғы Сот ютуб арнасы