$ 474.62  517.19  5.39

Алматыда дабыл жүйесі іске қосылады

Осыған байланысты Алматы Төтенше жағдайлар департаменті тұрғындарды үрейленбеуді, ғимараттардан (пәтерлерден, үйлерден, тұрақты демалыс орындарынан) эвакуациялау бойынша сейсмикалық оқуға қатысуды сұрайды.

Фото: top-news.kz
Фото: top-news.kz

Алматыда сейсенбі, 21 мамырда хабарландыру жүйелері тексеріледі – қала бойынша сиреналар ойнайды. Бұл туралы Skifnews.kz ақпарат порталы  қалалық Төтенше жағдайлар департаментінің баспасөз қызметіне сілтеме  жасап хабарлайды.

ТЖМ мәліметінше, 21 мамырда сағат 10:00-де Алматыда дабыл жүйесі тексеріледі.

«Барлығының назарына! Электр сигналдары қосылған телерадио хабарларын таратуды автоматты түрде ұстау оқу-жаттығу сынағы тұрғындарды ескерту жүйесінің техникалық дайындығы мен сейсмикалық дайындығын тексеру жұмыстары басталғанын хабарлайды», - деп ескертті ТЖД.

ТЖД өкілдерінің айтуынша, Алматыдағы білім беру ұйымдары мен адам көп шоғырланатын орындарда дыбыстық қондырғылар іске қосылған кезде ғимараттардан азаматтарды алдын ала белгіленген қауіпсіз орындарға эвакуациялау элементтері бойынша жаттығу өтіп, объектілік сейсмикалық дайындық жүргізіледі.

«Осыған байланысты Алматы Төтенше жағдайлар департаменті тұрғындарды үрейленбеуді, ғимараттардан (пәтерлерден, үйлерден, тұрақты демалыс орындарынан) эвакуациялау бойынша сейсмикалық оқуға қатысуды сұрайды», - деді құтқарушылар.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары