Қуандық Бишімбаевтың балалары тегін өзгертпек

Экс-министр Қуандық Бишімбаевтың бұрын жары Назым Қаһарман Instagram желісінде балаларының сот үкімін қалай қабылдағанын айтты. Оның айтуынша, балалары көпке танымал болып кеткендіктен фамилиясын өзгерткісі келетін көрінеді, деп хабарлайды Skifnews.kz ақпарат порталы.

Желі қолданушылары Бишімбаевтың бұрынғы әйелінен болған жағдайға қатысты пікірін сұрады. 

«Мен өзіңді жақсы көруді үйретемін. Әке, әрине, мәңгі әке болып қалады. Алайда ол әке деген адамды өлтіріп, өз өмірін құртып, балаларын орға жықты. Әкелерінің өз жолы бар. Балалар әкесі үшін жауап беруге тиіс емес. Себебі әкесін олар дүниеге әкеліп, тәрбиелеген жоқ. Сіз оны қолдауға және жақсы көруге міндетті емессіз. Керісінше біз ата-ана ретінде балаларымыздың алдында жауаптымыз», – деді ол.

Назым Қаһарман балаларының өз фамилиясын ауыстырғысы келетінін айтты.

«Әрине, олар тегін өзгерткісі келеді. Себебі бұл фамилия көпке танылып кетті. Бишімбай атаның өзі жақсы адам еді, өкінішке қарай, Қуандық арғы бабасының есімін қорлады», – деп жазды Назым.