$ 478.58  520.84  5.44

«Әлемде мұндай ұпайды әлі ешкім алған жоқ»: Нариман Курбанов – Азия чемпионатының алтын жүлдегері

Ол жиған ұпайы бойынша рекорд орнатты.

Фото: olympic.kz
Фото: olympic.kz

Ташкентте (Өзбекстан) өткен спорттық гимнастикадан Азия чемпионатында қазақстандық Нариман Курбанов алтын медаль жеңіп алды, деп хабарлайды Skifnews.kz ақпарат порталы.

Ол гимнастикалық ат снарядында жиған ұпайы бойынша рекорд орнатты. Olympic.kz сайтына сұхбат берген спортшы турнирді қорытындылап өтті. 

Ташкенттегі жарыс жоспар бойынша өтті. Ұзақ уақыттан бері алғаш рет мен жарысты қандай бір жарақатсыз бастадым. Бұл қуантпай қоймайды, әрине. 

Іріктеу кезеңінде мен жаңа рекорд орнатып, 15.666 ұпай алдым. Әлемде мұндай ұпайды әлі ешкім алған жоқ. Финалда да жақсы ұпай жинадым – 15.600. Қарсыластарымнан оқ бойы озып кеттім. Азия чемпионаты алдында қойған мақсат толығымен орындалды. Команадаға мейілінше көп ұпай, өзіме алтын медаль алдым. Бұл Азия чемпионаты Олимпиадаға іріктеу саналғандықтан, гимнастикалық ат снарядында құрлықтың кіл мықтылары баұ сынады. 

Бәсекелестік өте жоғары болды. Алайда, менің үш басты қарсыласым іріктеуде қате жіберіп, финалға өте  алмады. Олардың қатарында Олимпиада жүлдегері Ли Чи Кай бар.  Финалда мен бар күшімді салдым, өйткені, Азия өкілдері Олимпиада жүлделерінің басым бөлігін алатындықтан, бар әлем бізді бақылап отырды. 

Енді Болгарияда тағы бір турнир өтеді. Бұл жарыс Олимпиадаға дайындық кезеңінің бір бөлігі ретінде болмақ, - деді Нариман Курбанов. 

Еске  салайық, құрлық додасында Милад Карими де көзге түсті. Ол  көпсайыс пен еркін жаттығудан күміс алса, кермедегі жаттығудан Азия чемпионы атанды. 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары