Елімізде 42 айдың зейнетақысын бірден алған азамат анықталды

Елімізде бірден 42 зейнетақы алып келген азамат анықталды, деп хабарлайды Skifnews.kz ақпарат порталы.

Ол бір мезгілде 3,5 жыл (42 ай) үшін зейнетақы төлемдерін алған. Төлемдердің жалпы сомасы 2 млн теңгеден асқан.               

Бас прокуратурада Берік Асылов Конституциялық Соттың төрағасы және судьяларымен кездесті. Онда азаматтардың құқықтарын нақты қорғаудың мысалдары айтылды. Бұл туралы Бас прокуратура баспасөз қызметі мәлімдеді.

Атап айтқанда, прокуратурада Абай, Шығыс Қазақстан, Павлодар, Солтүстік Қазақстан облыстары тұрғындарының жалпы сомасы 20 млн теңгеден астам зейнетақы құқықтарын қалпына келтіру туралы мәселе көтерілді.

Істің бірінде азамат  Б. оны соттан тыс тәртіппен зейнетақысынан айырғаннан кейін үш жарым жыл бойы әртүрлі мемлекеттік органдар мен сот инстанцияларына сәтсіз жүгінді. Конституциялық сотқа жүгінгеннен кейін оның зейнетақысы қалпына келтірілді және оған 2 миллион теңгеден астам сомаға бұрын заңсыз ұсталған зейнетақы төлемдері аударылды, – делінген хабарламада.